Trumpî got: "Li ser vê yekê dilgiran im. Hêviya min ev e ku di demeke kurt de ev mesele dê ronî bibe. Aniha li ser vê, kes tiştekî nizane. Hin agahiyên pir xirab hene. Ev li xoşa min naçin."

Rojnameya Guardian a Birîtanî ragihand, piştî ku rojnamevanê Siûdî Cemal Kaşıkçı derbasî avahiya kunsulxaneya welatê xwe bû li bajarê Stenbolê, kemyonek reş ji kunsulxaneyê derket û niha hêzên ewlehiya Tirkiyê li wê kemyonê digerin.

 

Rojnameyê ji ser zimanê berpirsên Tirkiyê veguhestiye, ku piştî du demjimêran ji nebedîbûna Kaşıkçı di nav kunsulxaneya Siûdiyê de li bajarê Stenbolê, ew kemyona reş ji avahiya kunsulxaneyê derket û sindoqên reş di hindirê wê de hebûn.

Herwiha rojnameyê diyar kir, ku lêkolînerên Tirkiyê, zanyariyên nihênî li ser Kaşıkçı zanin, lê tevahiya wan zanyariyan eşkere nekirine.