Tirkiyê li ser rêya Qamişlo-Dêrikê wesayitek bombebaran kir

Tirkiyê li ser rêya Qamişlo-Dêrikê wesayitek bombebaran kir

.

A+A-

 Li Rojavayê Kurdistanê droneke Tirkiyê otomobîlek li ser rêya Qamişlo-Dêrikê bombebaran kir.

Îro Çarşemê 18ê Çileya 2023an balafireke bê firokevan a Artêşa Tirkiyê li ser rêya Qamişlo-Dêrikê otomobîlek kiriye armanc.

Li gor agahiyan, êrîş li nêzîk gundê Maşûqê li rojhilatê bajarê Tirbespiyê hatiye kirin.

Medyaya nêzîkî Rêveberiya Xweser jî ragihandiye, droneek Tirkiyê li cem rawestgeha “Arî” ya li xaçrêya gundê Maşûqê (7 km li rojhilatê Tirbespiyê) li erebeyekê daye.

Derbarê zirarên êrîşê de ti agahî nehatine bidestxistin.

Nehatiye zanîn ku otomobîla ku hatiye armanckirin ya welatiyên sivîl bûye yan a ser bi Rêveberiya Xweser û hêzên ser bi rêveberiyê ve ye. 

Asayişa Rêveberiya Xweser û Hêzên Sûriyeya Demokratîk (HSD) heta niha derbarê êrîşê de ti daxuyanî belav nekirine.

 

KAYNAK: RÛDAW

 

Ev nûçe 72 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin