• Diyarbakır 7 °C
  • Batman 6 °C
  • Hakkari 2 °C
  • Şırnak 5 °C
  • Ağrı -3 °C

Şingal: Dîsa kuştin dîsa hev gunehbarkirin!

Şingal: Dîsa kuştin dîsa hev gunehbarkirin!
Li Komalgeha Xanesorê ya Şingalê alîgirên PKKê li dijî Leşkerê Roj xwepêşandan kirin û di dema aloziyan de xwepêşandanekê jiyana xwe jidest da û çend kes jî birîndar bûn.

Peyamnêrê Rûdawê li Şingalê Tehsîn Qasim ragihandîye, îro komek xwepêşanderên alîgirên PKKê li Komalgeha Xanesorê li hember Pêşmergeyên Rojava xwepêşandak kirine û li ser vê yekê alozî derketiye. Di dema aloziyan de gule hatine teqanidn û di encamê de jinekê bi navê Nazê Nayif Qewal jiyana xwe jidest daye û hejmareke xwepêşanderan jî birîndar bûne.

Fermandarê Fermandeya Du ya Leşkerê Roj Qadir Şêx Memî ji Rûdawê re ragihandîye, îro Sêşemê 14-03-2017ê, PKKê ji bajarê Dêrîka Rojavayê Kurdistanê bi gelek otomobîlan alîgirên xwe veguhestiye Komalgeha Xanesorê ya Şingalê da ku li dijî wan xwepêşandanekê saz bikin. “Ji bo rûbirûnebûna xwepêşanderan polîsê çalakiyên medenî guleyên plastîkî û rondikrêj bikaranîn.”

Fermandarê Leşkerê gotîye; ji bo rewş aloztir nebe çi ji destê wan tê dikin û diyar kirîye; “Wî ji pêşmergeyên xwe re gotiye bi ti awayî guleyan bernedin. Ji ber ku kontrolkirina rewşê erkê polîsê çalakiyên medenî ye.”

ANF  jî dibêje; ”Êzidiyên li bajarokê Xanesorê yê Şengalê li hev civiyane, ji bo şermezarkirina êrîşên PDKê meşiyane. Çekdarên PDKê teqe li xwepêşanderên Şingalê kirine; endama meclîsa Tevgera Azadiya Jinên Êzidî (TAJÊ) Nazê Naîf Qaval jiyana xwe ji dest da, 10 kes jî birîndar bûne.”

Ev nûçe 680 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din