'Silêman Şah jî dikeve pêşbirka hilbijartinê'

'Silêman Şah jî dikeve pêşbirka hilbijartinê'

Nivîskarê Yenîçagê Ahmet Takan îdia kir ku Tirkiyê wê di nav meha Adarê de operasyonek li Minbicê pêk bîne û bo ranta hilbijartinê, Tirba Silêman Şahî jî veguhêzin cihê xwe yê kevin.

A+A-

Ahmet Takan, di nivîsara xwe de îdayek kir ku xwe dispêre kulîsa Enqerê.

Takanî got, dawiya Sibat an herî dereng di nav meha Adarê de, Tirkiyê ji Tel Rifatê, operasyoneke wek 'operasyona Minbicê xuyakirî' pêk bîne û bo ranta hilbijartinê, Tirbeya Silêman Şahê ku 'şevekê jinişkave hatibû barkirin' wê veguhêzin cihê xwe yê kevin, ji bo vê yekê bi welatên têkildar re jî li hev kirine.

Takanî got çavkaniyên wî yên li Enqerê, li ser operasyona Rojhilata Firatê ku Tirkiyê dixwaze bike jî gotine, Amerîka, bo avakirina NATOya Ereban, Tirkiye diewiqîne.

Takanî li ser vê agahiyê, agahiyên ji çavkaniyên herêmî ji wergirtî dipeyitîne û dibêje, hêzên Pêşmergeyên Roj ên ku dora 8 hezar kes in û girêdayî Barzanî ne, erka wan diqede û ew ê van pêşmergeyan derbasî Rojhilata Firatê bikin û wisa pê de çû: "Çavkaniyên min ên ewle bale dikêşin ser taktîkên ewiqandinê yên Amerîkayê. Çima? Bo NATOya Ereban ku Amerîka dixwaze li herêmê bicih bike. Çavkaniya min dibêje, Tirkiye tê ewiqandin, Amerîka wext peyda dike. Amerîka, Tirkiyê nîşanî PKKê bide û li ser NATOya Ereban qanî bike. Lê Tirkiyê jî vê planê hilweşîne.

Takanî herwiha da zanîn, têkilî û danûstandina Tirkiyê digel peywirdarên hikûmeta Sûriyê jî xurttir bûye.

Ev nûçe 291 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin