Çewlîg de polîsan bi şuxulnayîşê şîdetî ciwanêk tepişt. Seba ke babî û birayê ciwanî waşt ke ey bipawê ê zî hetê polîsan ra bi şîdet amey tepiştiş.

Şîdetê polîsano ke tim rojeve de yo na rey zî xo Çewlîg de xo nişan da. Çewlîg de di birayî û babîyê înan bi şuxulnayîşê şîdetî amey tepiştiş.

Mehleya Ûydûkentî ya merkezê Çewlîgî de ciwano bi nameyê Berat Çetino ke loqantayêk de xebityeno, bi sebebê goştarîya polîsan nêkerdo û nêvindeto, raştê hêrişê polîsan ame.

Polîsan Çeçenî rê heqeret kerd û ci rê şîdeto fîzîkî kerd. Birayê ciwanî Kadîr Çeçeno ke hêrişê polîsan dî waşt ke mabênê înan bikewo.

Polîsan na rey hêrişê birayê ciwanî kerd. Bado zî pîyê ciwanan Lutfu Çeçenî waşt ke mudaxele bikero û vernîyê şîdetî bigêro. Polîsan na rey zî hêrişê ey kerd. Polîsan bi şîdetî pî û her di lajê ey destbend kerdî. Rixmo ke şarî reaksîyon da zî polîsan tewirê xo nêbedilna û şîdetê xo hîna zêdîna.