Navenda Nûçeyan- Ajansa SANA ya dewleta Sûrîyê ragihand ku hêzên Tirkîyê û hevbendên wê îro roja  pêncşemê li bakurê rojhilata welêt Sûrîyê li bajarê Til Temirê êrîş birin ser hêzên wê.

Li gor SANAyê belav kirîye ku hêzên Tirkîyê û komên ser bi wan li Til Temir êrîş birine ser xaleke artêşa Sûrîyê û hêzên Sûrîyê jî bersîva wan dane. Di encama êrîşê de kuştî û birîndarên leşkerên Sûrîyê çêbûne.

Herwiha SANAyê belav kirîye ku hêzên Tirkîyê hewl didin gundên li dorûbera Til Temirê têxin bin kontrola xwe.

Piştî êrîşa Tirkîyê û vekişîna hêzên Amerîkayê ji Rojavayê Kurdistanê hêzên rejima Sûrîyê derbasî bajarên Rojavayê Kurdistanê bibûn bo parastina bajarên Rojavayê Kurdistanê beramber êrîşên Tirkîyê û komên opozîsyona Sûrîyê ku Tirkîye piştevanîyê li wan dike.