• Diyarbakır 22 °C
  • Batman 19 °C
  • Hakkari 12 °C
  • Şırnak 17 °C
  • Ağrı 10 °C

Riwangeha Sûrî: Heya niha artêşa Tirkiyê ti gund kontrol nekiriye

Riwangeha Sûrî: Heya niha artêşa Tirkiyê ti gund kontrol nekiriye
Rêvebirê Riwangeha Sûrî ya Mafên Mirovan Ramî Ebdilrehman di daxuyaniyekê de ji bo kenala BBC ya Birîtanî ragihand, heya niha artêşa Tirkiyê û milîsên hevpeymanên wê ti gund li sînorên Efrînê kontrol nekirine.

Ramî Ebdilrehman dilgiraniya xwe da xuyakirin, ku ew nakokiyên di nav Tirkiyê û PYDê de bûne nakokiyên netewî di navbera Kurd û Ereban de.

Di wê derbarê de, navhatî got: "Tiştê em dilgiran kirine ew e ku şervanên Sûrî ji aliyê Tirkiyê ve tên bikaranîn daku şerê hêzên Kurdî bikin. Guhertina arasteya şer ji bo çêkirina nakokiyên Erebî û Kurdî û çêkirina kêşeyan di navbera wan de em dilgiran kirine".

Herweha got: "Ez daxwazê ji Hêzên Sûrya Demokrat dikim, ku ji wan navçeyên derdora Helebê derkevin, yên ku di sala 2016an de xistibûn bin destê xwe de, ew jî ji bo ku derfet û bihaneyê ji hêzên Tirkiyê re çênekin ku êrîşî wan navçeyan bikin".

Navhatî diyar kir, ku ti rolek li ser zemînê ji Amerîka re nema ye.

Ebdilrehman got jî: "Li Efrînê berevaniyeke dijwar heye û her ku artêşa Tirkiyê ber bi gundekî ve pêş dikeve, piştî demekê YPG wê ji wî gundî derdixîne".

Ev nûçe 463 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din