Ajansa Reuters îro roja pênceşmê belavkiriye ku Tirkiye biryara sînordarkirina qadên esmanî û yên deryayî li herêma Derya Reş da ku ceribandina sîstema S-400 ya Rûsî bike.

Li gor agahdarkirina Tirkiyê divê keştî li nêzî bajarê Sînopê ya bakurê Tirkiyê, di 16ê Cotmehê de ji kiryarên xwe agahdar bin û firok jî heta 61,000 metre ji qadên esmanê dûr bisekinin.

Reuters bi bîr tîne ku sîstema berevanî ya S-400 berî hefyetekê ji wî herêmê re hatibû veguhgastin.

Herwiha Reutersê belav kiriye: “Tevî ku Tirkiyê sala borî ceribandina çekên ji erdê ber bi banî (surface-to-air weapons) pêk anîbûn, dibe ku ceribandineke nû girjiya Enqerê ya bi Washingtonê re zindî bike. Amerîka bawer dike ku S-400 ser sîstema berevanî ya NATOyê xeteriyeke mezin e.”

Washingtonê, wek bersîvdana biryara Tirkiyê ya kirîna çekên Rûsyayê, sala borî Tirkiye ji programa hevbeş ya F-35 derxistibû û gefa toleyên li dijî wî welatî kiribû.

Kirîna mûşekên S-400 ji Rûsyayê qeyraneke mezin di navbera Tirkiyê û Amerîkayê de pêk anîbû.