Rêjeya herî kêm a xwendinê li Bakurê Kurdistanê ye

Rêjeya herî kêm a xwendinê li Bakurê Kurdistanê ye

.

A+A-

Li Tirkiye û Bakurê Kurdistanê, rêjeya herî bilind a xwendin û nivîsandinê li parêzgehên Antalya, Çanakkale û Îzmirê yên Tirkiyê ye û rêjeya herî kêm jî li parêzgehên Mêrdîn, Riha û Sêrt û Agiriyê yên Bakurê Kurdistanê ye.

Saziya Amaran a Tirkiye (TUIK) amarên perwerdeya neteweyî yên sala 2022ê eşkere kirin. Li gor amaran li Tirkiyê û Bakurê Kurdistanê, rêjeya zanîna xwendin û nivîsandinê gihiştiye %97.6an. Ev rêja sala 2008an %91.8 bû.

Li gor amaran li Antalyayê rêjeya zanîna xwendin û nivîsandinê %99 e, ku bilindtirîn rêjeya Tirkiyê û Bakurê Kurdistanê ye. Piştî Antalyayê rêjeya herî bilind a zanîna xwendin û nivîsandinê li bajarên Çanakkale, Îzmir, Mugla û Denizliyê yên Tirkiyê ye.

Li ser asta Bakurê Kurdistanê û Tirkiyê rêjeya herî kêm a zanîna xwendin û nivîsandinê bi %93.6 li Mêrdîna Bakurê Kurdistanê ye. Piştî Mêrdînê rêjeya herî kêm a zanîna xwendin û nivîsandinê li bajarên Riha, Sêrt, Agirî û Îdirê yên Bakurê Kurdistanê ye.

Dema xwendina welatiyan herî zêde li Enqerê bilind e. Li Enqerê dema xwendina welatiyên ji 25 sal mezintire 10 sal û 6 meh in. Piştî Enqerê li parêzgehên Stenbol, Eskişehir, Kocaeli û Îzmir ên Tirkiyê dema xwendina welatiyan zêde ye.

Li gor parêzgehên Tirkiyê, li parêzgehên Bakurê Kurdistanê dema xwendina welatiyan jî kêmtir e. Di nav 81 parêzgehên Bakurê Kurdistanê û Tirkiyê de Agiriya Bakurê Kurdisanê di rêza dawî de ye. Li Agiriyê her welatiyekî ji 25 sal mezintir tenê 7 sal û 2 mehan xwendiye. Piştî Agiriyê rêjeya herî kêm a xwendinê li parêzgehên Riha, Wan û Mûşê yên Bakurê Kurdistanê ye.

 

RÛDAW

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin