Rêbaz Hemlan: Serokwezîr Mesrûr Barzanî got em êdî ji ber bûdcê li benda Bexdayê namînin

Rêbaz Hemlan: Serokwezîr Mesrûr Barzanî got em êdî ji ber bûdcê li benda Bexdayê namînin

.

A+A-

Berpirsekî hikûmeta Kurdistanê ragihand, serokwezîr Mersûr Barzanî ji berpirsên hikûmetê re gotiye êdî em li benda Bexdayê namînin û emê bi xwe bûdceya xwe amade bikin û mûçeyê karmendên xwe bidin.

Alîkarê serokê hikûmeta Kurdistanê di karûbarên darayî de, Rêbaz Hemlan li ser çaksazî û amadekirina bûdce û mûçeyê karmendên Kurdistanê ji televîzyona K24 re axiviye û agahiyên girîng daye.

Rêbaz Hemlan li ser mûçe û bûdceya Kurdistanê gotiye, serokwezîr Mesrûr Barzanî ji wezîr û berpirsên hikûmetê re got êdî nabe em li benda Bexdayê bimînin ka dê bûdce bide yan na. Emê bi wê dahata ku di destê me de heye, bûdceya xwe amade bikin û mûçeyê karmendên xwe bidin. Eger Bexdayê jî pişka Kurdistanê da wê çaxê dê bibe piştevaniyek mezin bo Kurdistanê.

Alîkarê serokê hikûmetê behsa çaksazî di hemû waran de bi taybet di sektora neftê de jî kiriye û gotiye, bi fermana serokê hikûmetê, hikûmet tê biçûkkirin û çakasiya herî mezin û girîng jî di sektora neftê de tê kirin. Dê tevahiya rêkeftinên firotina neftê li ber çavan re bên derbaskirin û şêwaza firotina neftê jî dê were guhertin.

Ev nûçe 94 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin