Qedexeya çûnûhatinê li tevahîya Herêma Kurdistanê hat ragihandin

Qedexeya çûnûhatinê li tevahîya Herêma Kurdistanê hat ragihandin

Wezareta Navxwe ya Herêma Kurdistanê ji bo rêgirîkirina li belavbûna vîrusa Koronaya nû COVID-19, qedexeya çûnûhatinê dirêj kir.

A+A-

Navenda Nûçeyan - Wezareta Navxwe ya Herêma Kurdistanê di daxuyanîyekê de çûnûhatina di navbera parêzgehên Herêma Kurdistanê, herdu îdareyên serbixwe Raperîn û Germîyanê û hemû bajarokan de qedexe kir. Qedexe jî ji demjimêr 12:00 şeva 31 Gulanê heta roja 6ê Hezîranê demjimêr 12:00 şevê berdewam dike.

Herwiha qedexeya çûnûhatina bi otombîl û peyade bi tevahî di nava tevahîya parêzgehên Hewlêr, Silêmanî, Duhok, Helebce û îdareyên serbixwe Raperîn û Germîyan ji demjimêr 16:00 êvara 1ê Hezîranê û demjimêr 12:00 şeva 6ê Hezîranê hat ragihandin.

Dewama fermî li tevahîya dezgehên hikûmî di heyama qedexeyê de, hat ragirtin.

Li gor daxuyanîyê rê bi çûnûhatina otombîlên hêzên ewlehîyê, tîmên tenduristîyê û ambulans ku ewên di erkên xwe de ne. tê dayîn. Herwiha rê bi karmendên ragihandinê jî hatîye dayîn, bi merca ku piştgirîya îmzekirî ji dezgehên lê kar dikin bi wan re hebe.

Derkirina vê biryara qedexeya çûnûhatinê piştî wê yekê te, duhî 102 kes li parêzgeha Silêmanîyê bi vîrusa Koronayê ketibûn.

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin