• Diyarbakır 10 °C
  • Batman 11 °C
  • Hakkari 2 °C
  • Şırnak 8 °C
  • Ağrı 0 °C

PSK: Li hember bêdadî û gefxwarinê dengê xwe bilind bikin!

PSK: Li hember bêdadî û gefxwarinê dengê xwe bilind bikin!
Partiya Sosyalîst a Kurdistanê (PSK) bi belavokekê biryara girtina Demirtaşî nirxan û got biryar nîşan dide ku sîstema dadî di bin xizmeta desthilatê de ye û Tirkiye bi lezûbezî ber bi asoyeke reş de diçe.

Di daxuyaniya PSKê ya ku ji Rûpela Nû re hate şandin de wisa hat gotin:

 

"Dadgeha Mafê Mirov a Ewropa (DMME) biryar dabû, ku Selahaddîn Demirtaş bê berdan. Serokkomarê Tirkiyê Erdoğan jî derbareyê biryara DMME gotibû, ku “em pabendî biryara hanê nabin, li hember vê biryarê em jî bizav bikin vê dawiyê vê meseleye binin.”

PSK li ser pesendkirina biryara zindanîkirina Demirtaş û Önderî de got:  "Hêj sê hefte li ser axaftina Erdoğan derbas nebibû, dadigeheka bilind a Îstanbulê, biryarê, ku berê derheqa Demîrtaş û S.S: Onder hatibû dayin tasdiq kîr û bi vî awayî “dawî li meseleyê hanê anî.”

Bûyera hanê destnişan dike, ku li Tirkiyê, sîstema dadî di xizmeta deshilata siyasî da ye û bi gor daxwaz û desturên vê biryar dide. Ev yêka hanê her usa nişan dide, ku Tirkiyê bi lez û bezî ber bi asoyekê reş ve diçe, bê dadî û neheqiyê bi ser vê welatê da digre.

PSK herwiha bale kişand daxuyaniya MHPê ya di derbarê aqilmendan de û got: Endamên din yên Îttfaka Cumhurê Partiye Bizava Nasyonalist-MHP, êrîşeka tund dike li ser hinek ronakbîr û nivîskar û hunermend, ku berê çend salan bi desturê hikumeta AK Partî di Guruba Merîvên Aqilmend” da cî girtî bûn û bona çareser kirina pirsa Kurd hewl dabûn.

MHP merîvên hanê wekî dijmin nişan dide û gefa wan dixwe û dibêje, ku “çavê me li ser ve ye” û bi vî awayî wana dike hedef bo êrîşên hêzên tarî, faşîst û nijadperest.

Serokkomar Erdoğan û partiya wî jî derbareyê êrîş û gefxwarina hanê yên şirîkê xwe bê deng e.

Bûyer û pêşhatiyên yek-du rojên dawî nişan dide, ku Tirkiyê bi lez û bez ber bi îdereya taqekesî ve diçe. Nişan dide, ku hikumeta AK Partî malvîranî, kavîlbûne nabine û guhê xwe nade daxwazên aşitîxwazan û dixwaze pirsa Kurd bi kurtir û berbelavtir kirina tundutijiyê va çareser bike.

Partiya Sosyalîst a Kurdistan-PSK, piştgiriya xebata Selahaddîn Demirtaş a huquqî dike û daxwaz ji hêzên hestyar dike, ku dengê xwe bilind bikin.

Em êrîş û gefxwarina MHP bo ser ronakbîr, nivîskar û hunermendan mahkûm dikin.

Em li hember êrîşên hanê piştgiriya wan dikin û ji hêzên aşitîxwaz, azadîxwaz û demokrat dixwazin, ku dengê xwe bilind bikin û piştgirî camêrên hanê bin.

Berpirsê her êrîşek bo ser merivên hanê, MHP û şirîkê wê AK partî ye.

05. 12. 2018

Partiya Sosyalîst a Kurdistan"

Ev nûçe 242 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din