Pênc kolberên Rojhilatê Kurdistanê 10 roje winda ne

Pênc kolberên Rojhilatê Kurdistanê 10 roje winda ne

.

A+A-

Pênc kolberên xelkê gundê Kuran ê ser sînorê Rojhilat û Bakurê Kurdistanê zêdetirî 10 roj in winda ne û heta niha çarenûsa wan ne diyar e. Xelkê gundê Kuran dibêjin; Îran û Tirkiye rê nadin li termên wan bigerin.

Malbata wan 5 kesan ji alîkariya hikûmetên Îran û Tirkiyê bêhêvî bûne, loma jin û zilam û mezin û biçûk hemû berê xwe dane deverên çiyayî, da ku li termên wan kolberan bibînin.

Ew pênc kesên winda, li sînor kolberî dikirin, lê ji ber hatina zivistan û berfê, winda bûn. Xizmên kolberan diyar dikin ku hikûmeta Îranê alîkariya wan nake û hêzên li ser sînorê Tirkiyê jî gefa gulleberdanê li wan dixwin.

Gundê Kuran, 300 mal tê de hene û zêdetirî 1000 kes lê dijîn. Pênc kolberên winda, temenên wan di navbera 18 û 37 salî de ne. Ji bo peydakirina debara rojane, li deverên dijwar ên çiyayî kolberî dikirin, lê niha çarenûsa termên wan jî ne diyar e.

 

Ev nûçe 121 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin