PENê Kurd ke bi siloganê ‘Xoverdayîş Cuye yo’ 10. Kongreya xo bajarê Oldenburgî yê Almanya de kerd. 

Kongre de 100 roşinvîr û nuştoxê çar perçeyanê Kurdistanî û dîasporayî amê têhet. Kongre de îzeh bi ke her dem ra zêdetir lazimîya yewîya neteweyî ya Kurdan esta. Roja destpêkî ya kongre de meymanan yewbînî nas kerd û pêşkêşî ameyî kerdene. Roja dîyine de zî karê PEN a Kurdî ya Mîyanneteweyî ame îzehkerdene.

Hûmara endamanê rayberîye bîye 15 kesî

Minaqeşeyan ra dima rêziknameya PEN a Kurdî amey hadrekerdiş û pêşnîyazî amê kerdene. Na çarçewa de hûmara endamanê rayberîya PEN a Kurdî bîye 15 kesî. Înan ra 6 kesî esîl, 6 zî do hetkar bê. 

Kongre ra pey ziwanzan û nûştox Samî Tan û nûştoxe Aslihan Yildirime sey hemserekê PENa Kurd amey weçînayîş

Weçînayîş de 80 endamê PENa Kurd rayê xo day. Badê weçînayîşî nûştox Bêrîvan Dostkî û Şerzad Hesenî seba serektîya ercî yê PENa Kurd amey weçînayîş.

Ziwanzan û nûştox Samî Tan û nûştox Aslihan Yildirime sey hemserekê PENa Kurd amey weçînayîş.