Bi minasebeta yekemîn salvegera wefata kek Fahrettin Akinî de bi şandekê ku ji Serokê PAK Şaxa Batmanê Aziz Özdemir, Serokê PAK Şaxa Hezo Abdulmecit Hezer,Endamê Meclisa PAKê Hamdusena Demirel û rêvebir Abdurrahman İnal ,M.Tahir Bilik ,M.Ali Akın û Selahattin Yaman pêkhati seredana mezelên wî kirin.

Heyeta PAKê Alaya Kurdistanê danîn ser mezele wî,dua û fatîha li ser hat xwendin.

Serokê PAK Şaxa Batmanê Aziz Özdemir li ser mezelê wî axivî û got:

Fahrettin Akin bê navber 45 salane ku di doza azadîya Kurdistanê de ked û xebata wî hebu û endam û kadirekî PAKê ya Batmanê bu.

Bi mixabinî berî salekê weke îro li gundê xwe di mala xwe de , bi awayekî ne mirovane ,bi sedema erişeke bêbext jîyana xwe ji dest da ,koça dawî kir.

Fahrettîn Akınî sozdar û heskirîyên xaka xwe ,netewa xwe û dostên dosta,welatperwerekî hêja , hevalekî dilsoz û nefsbiçûk bû. Bi fedakarîya xwe bi keda xwe ,wî di doza Azadîya Kurdistanê de cih girtîye .

Em di yekemîn salvegera wefata wî de, kedkarê doza azadîya Kurdistanê kek Fahrettin Akınî bi rêzdarî bibîr tînin.

Ruhê wî şad, cîhê wî biheşt be.23.01.2022

Şaxa Batmanê Ya PAKê