PAK: Walîyê Kerkûkî Dr. Necmedîn Kerîmî Dinyaya Xo Bedilna, Sereyê Şarê Kurdistanî Weş Bo

PAK: Walîyê Kerkûkî Dr. Necmedîn Kerîmî Dinyaya Xo Bedilna, Sereyê Şarê Kurdistanî Weş Bo

.

A+A-

Wefatê Walîyê Kekûkî yo veren Dr. Necmedîn Kerîmî ra dima hetê Partîya Azadîya Kurdistanî (PAK) ra beyanatêko nuştekî ame dayîş û beyanat de ame vatiş ke, Sereyê şarê Kerkûkî û sereyê heme şarê Kurdistanî weş bo.

“Welatperwero Kurd, xebatkar û kedkarê dewaya azadîya Kurdistanî, Walîyê Kerkûkê Dr. Necmedîn Kerîm, şewa 30.10.2020 Amerîka de rîyê nêweşîya xo ra şi heq.

Dr.Necmedîn Kerîm Walîyê Kerkûkî yo ke bi rayîrê meşrû ameyo weçînayîş o.

Referandûmê Xoserîye yê 25.09.2017 de, Kerkûk de %80yî ra zêdêr semedê xoserîye ‘’E’’ vejyabi û netîceyê ked û xebata Dr.Necmedîn Kerîmî ya birûmete de no netîce amebi girewtene.

Herçiqas Kerkûk û îradeyê şarê Kerkûkî roja 16.10.2017 de newe ra ame çîne kerdene zî, Dr.Necmedîn Kerîm nuka zî Walîyê Kerkûkî yo meşrû yo.

Dr.Necmedîn Kerîm 50 serran ra zêdêro ke dewaya azadîya Kurdistanî de, sey xebatkar, kadro, pêşmerge, roşnvîr, sîyasetmedar û rayber xebate kerde û xebatê ey zaf ercîyey û qîmetin ê.

Ma seba wefatê welatperwerê Kurd Dr.Necmedîn Kerîmî xemgîn ê.

Homa rehma xo pê biko. Cayê ey cenet bo. Ma keye û embaz û dost û heskerdoxanê ey rê serweşîye wazenê. Sereyê şarê Kerkûkî û sereyê heme şarê Kurdistanî weş bo.”

31.10.2020

Buroya Çapemenî û Têkilîye ya PAKî

kerim2.jpg

Ev nûçe 203 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin