PAK: 1ê Gulanê li hemû karker û kedkaran pîroz be

PAK: 1ê Gulanê li hemû karker û kedkaran pîroz be

Partîya Azadîya Kurdistanê (PAK) bi hilkefta 1ê Gulanê, payameke nivîskî belav kir û cejna kedkaran pîroz kir:

A+A-

"PAK (Partîya Azadîya Kurdistanê):

1ê Gulanê li hemû karker û kedkaran pîroz be

Kedkarên bakurê Kurdistanê, îsal jî ji mafên xwe yên bingehîn ên aborî, civakî, neteweyî û demokratîk bêpar, pêşwazîya 1ê Gulanê dikin. Karker, kedkar û karmendên Kurd û Kurdistanê têkoşîna xwe ya ji bo azadî û serdestîya miletê xwe, welatê xwe û têkoşîna ji bo azadî, demokrasî, jîyaneke bi rûmet û edaleta civakî bi hev re dimeşîne. Ji ber vê yekê, 1ê Gulanê ji bo karker, kedkar û karmendên Kurd û Kurdistanê maneyeke xwe ya taybetir heye.

Di 1ê Gulana 2019an de karker, karmend û bi giştî kedkarên bakurê Kurdistanê di rewşeke xerab de dijîn; şerê heyî û binpê kirina azadî û demokrasîyê rewşa kedkaran zehmettir dike.Bi hezaran kes ji karên xwe hatine avêtin.

Kedkarên Kurdistanê têkoşîna ji bo aborîyeke hîn baştir, ji bo maf û demokrasîyeke hîn firehtir û ya welatekî azad bi hev re dimeşînin.

Bi hêvîya ku, li ser axa welatê xwe, li ser bingehê azadî û edaleta civakî miletê Kurd û civaka Kurdistanê bikaribe xwe bi xwe bi awayekî azad îdare bike, Partîya Azadîya Kurdistanê 1ê Gulana hemû karker, kedkar û karmendên Kurd û Kurdistanê û dinyayê pîroz dike.

1ê Gulana 2019an

Buroya Çapemenî û Ragehandinê ya PAKê"

Ev nûçe 258 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin