Mike Pompeo çû serdana Serokwezîr Nêçîrvan Barzanî

Mike Pompeo çû serdana Serokwezîr Nêçîrvan Barzanî

Vê êvarê, Serokwezîrê Herêma Kurdistanê Nêçîrvan Barzanî li bajarê Hewlêrê pêşwazî li Wezîrê Derve yê Amerîkayê, Mike Pompeo û şandeya pê re kir.

A+A-

Li gor daxuyaniya Encûmena Wezîran a Herêma Kurdistanê, di civînê de ku Cîgirê Serokwezîrê Herêma Kurdistanê Quband Talebanî jî amade bibû, behsa rewşa navçeyê bi giştî û geşedanên li Rojhilata Navîn hat kirin û gotûbêj li ser metirsiyên ji nû ve derketina terorê û karê hevbeş ji bo nehêlana wê hate kirin.

 

Wezîrê Derve yê Amerîkayê di civîna li gel Serokwezîr Nêçîrvan Barzanî de, gotûbêjên navbera Hewlêr-Bexdayê ku bi sedema wê beşek ji kêşe hatine çareserkirin, bilind nirxand û tekez kir, ku Amerîka weke hevbeşê Iraqê û herêma Kurdistanê dimîne.

 

Di daxuyaniyê de tê gotin, Serokwezîrê Herêma Kurdistanê spasiya vê serdanê û hevkariyên Amerîkayê yên bo Herêma Kurdistanê di demên dijwar de kir û tekezî li wê yekê kir, ku Herêma Kurdistanê pêwendiyeke dostane li gel Amerîkayê heye û gelek karên hevbeş li gel hevpeymanan encam daye, û berdewamiya karê hevbeş ji bo rêgirîkirin li dubare derketina terorê bi pêwîst da zanîn, bi taybet li wan navçeyên ku di warê ewlehî û seqamgîriyê de ti pêngavek li wan deran nehatiye avêtin û di vê drbarê de tekezî li ser hemahengiya navbera Hewlêr û Bexdayê kir.

 

Li gor daxuyaniyê, her di civîna li gel Wezîrê Derve yê Amerîkayê de, Serokwezîr Nêçîrvan Barzanî bi kurtî behsa wan reforman kir, ku Hikûemta Herêma Kurdistanê di dezgeh û saziyên hikûmetê de cîbicî dike û daxwaz kir, ku di aliyê şarezayî û pisporiyê ve hevkariya Herêma Kurdistanê bê kirin, ji bo ku çaksazî û pêşvebirina karûbarên hikûmetê baştir bîne cîbicîkirin.

Ev nûçe 253 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin