Fermandarê Pêroyî yê HSDyî Mazlûm Ebdîyî kombîyayîşê Koalîsyonê Mîyanneteweyî yê Roma rê mesajê xo erşawit û waşt ke ganî endamê DAÎŞî û keyeyê înan bierşawîyê welatanê înan.

Fermandarê Pêroyî yê Hêzanê Sûrîyeya Demokratîke (HSD) kombîyayîşê Koalîsyonê Mîyanneteweyî ê vera DAÎŞî rê mesajê xo erşawit ke kombîyayîş paytextê Îtalya Roma de yeno kerdene. 

Ebdîyî mesajê xo de pare kerd ke kombîyayîş de wa vîrî ra nêşoro ke hema kampanê Rojawanî de bi des hezaran cinî, doman û cergê DAÎŞî estê. Ebdîyî vat:

''Ma venga koalîsyonî danê ke wa ê kesan bierşawo welatanê ci û têkoşînê vera nê hêzan xurt bikerê. Ganî koalîsyon paştî bido ke herême de ekonomî û îstîkara bêrê averberdiş,  meseleyê esasî bêrê çareserkerdiş.''