Endamê encûmena parêzgeha Kerkûkê Cewad Cenabî ji BasNewsê re ragehand, ‘’Piştî 16ê cotmeha 2017ê rewşa Kerkûkê guhertiye û hemû tiştek li Kerkûkê ber bi xirabiyê ve diçe.’’

Derbarê erebên şîe yên bajarên xwarê Iraqê di wan 3 salên borî de wek lehiyê herikîn û li Kerkûkê tên bicîh kirin de jî wî endamê encûmena parêzgeha Kerkûkê got, ‘’Belê gelek hatine, ne tenê ew, malbatên çekdarên rêxistina terorîst ên DAIŞê jî, yên Tikrît, Mûsil, Rûmadî û Beqûbe hatine bo Kerkûkê. Ji ber ew li navçeyên xwe nayên qebûl kiirn, êdî naha hemû hatine Kerkûkê.’’

Derbarê zêdebûna hejmara erebên şîe de li Kerkûkê hejmara wan pir zêdebûye û eniyeke siyasî pêkanîne de Cewad Cenabî got: ‘’Naha hejmara şîeyên ereb li Kerkûkê pir bûye, lê wek tê zanîn piraniya bajarê Kerkûkê ji aliyê mezhebi ve sunne ne. Tenê xwarê Kerkûkê tirkmenên şîe hene, hejmarekî kêm erebên şîe hebûn berê.’’