Li Serê Kaniyê mayîn bi 5 kesan de teqiya û canên xwe ji dest dan

Li Serê Kaniyê mayîn bi 5 kesan de teqiya û canên xwe ji dest dan

Li herêma Serê Kaniyê ya Rojavayê Kurdistanê, mayîneke vedayî bi 5 Kurdên Rojavayê Kurdistanê de teqiya û di encamê de her 5 kesan jiyana xwe ji dest dan.

A+A-

Li gor agahiyên berdest i herêma Serê Kaniyê ya Rojavayê Kurdistanê, mayîneke vedayî bi 5 Kurdên Rojavayê Kurdistanê de teqiya, ku dixwestin ji Serê Kaniyê derbasî Bakurê Kurdistanê bibin, di encamê de, her 5 kesan jiyana xwe ji dest dan.

Ew her 5 kesên ku jiyana xwe ji dest dane, 2 kes ji wan ji Dêrikê ne, 2 ji Qamişlo ne, û qaçaxçiyê ku bi wan re bû, di encama teqînê de jiyana xwe ji dest dane.

Îro cenazeyên wan 5 kesan derbasî Rojavayê Kurdistanê bûn û radestî xwediyên wan hatin kirin.

Tirkiyê gundên Girê Sipî û Eyn Îsa topbaran kir

Ji aliyê din ve artêşa Tirkiyê careke din gundên Kaniya Bozaniyê li herêma Girê Sipî yê Rojavayê Kurdistanê topbaran kirin, û li gorî jêderên xwecihî, ziyan tenê madî ne.

Jêderên xwecihî ji gundên Girê Sipî ragihandin, ku artêşa Tirkiyê gundê Sarûj bi 4 mûşekan topbaran kir, û herweha gundên Xalidiyê û Hoşan, yên girêdayî Kaniya Bozaniyê  bi 3 mûşekan topbaran kir.

Li gorî heman jêderan ziyanên topbaran gundên Kaniya Bozaniyê, tenê madî ne, lê metirsî heye ku topbaran ferehtir bibe.

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin