• Diyarbakır 25 °C
  • Batman 26 °C
  • Hakkari 19 °C
  • Şırnak 23 °C
  • Ağrı 17 °C

"Li Rojhilata Navin gelê hêrî pêşverû û demokrat kurd in"

"Li Rojhilata Navin gelê hêrî pêşverû û demokrat kurd in"
Fîlozof û felsefevanê navdar Slavoj Zîzek diyar kir ku li Rojhilata Navîn gelê hêrî pêşverû û demokrat kurd in.

BasNews - Fîlozof û felsefevanê navdar Slavoj Zîzek di hevpeyvîneke xwe de ragihand ku li Rojhilata Navîn gelê hêrî pêşverû û demokrat kurd in. Zîzek di hevpeyvîna xwe de Herêma Federe ya Kurdistanê jî mînak da û ragihand ku divê xwesteka kurdan ji Kanton û Xweseriyê zêdetir be, divê kurd dev ji vê politikaya a niha ku dimeşînin berdin û ji bo xwe bidin qebûlkirin, xebatê bikin.

“Divê kurd jî wekî cihûyan vekirî û zelal bin”

Slavoj Zîzek di berdewamiya hevpeyvîna xwe de got: “Divê kurd li Rojhilata Navîn wekî cihûyan vekirî û dînamîk bin. Kurd, ji xeyrî ku polîtîkaya perîşaniyê bimeşînin, divê xebatên ku xwe bi dinyayê bidin qebûl kirin, bimeşînin. Kurd, ne tenê li çiyayan şer dikin, di nava gelê Rojhilata Navîn de gelê herî pêşverû û demokrat in û divê xwe bi vî awayî bi dinyayê bidin nasîn. Di serdanên min ê Stenbolê de herî kurd tên min guhdar dikin. Û armanca propaxandeya kurdan divê guherandina nêrîna dinyaya rojava be. Her wiha kurd li Rojhilata Navîn divê wekî versiyona yahudiyan din bin, wekî wan vekirî û dinamik bin.”

Zîzek di dirêjiya hevpeyvîna xwe de dibêje: “Ez daîma hevalên xwe yên ereb ku dibêjin em demokratin bi vê peyvê diceribînim, hûn derheqê kurdan de çi difikirin? Lê tekoşîna kurdan a ku bi salane didome ji çepgirên dinyayê, wekî Filistînê, Amerîkaya Latîn û yên din piştgirî û piştevanî nedît. Ev ne şerma kurdan e, ev şerma çepgirên rojavayî ye, lewma piraniya van çepgiran di nava klîşeyên xwe de fetisî û xeniqî ne.”

Ev nûçe 449 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din