Li nav bajarê Reqayê goreke bikom hat dîtin

Li nav bajarê Reqayê goreke bikom hat dîtin

Li nav bajarê Reqayê goreke bikom hate dîtin û berpirsekî Encûmena Sivîl a Reqayê dibêje, ku heya niha Hezar û 500 term ji nav 2 gorên bikom hatine derxistin, ku di dema borî de ji aliyê DAIŞê ve hatibûn kuştin.

A+A-

Li navenda bajarê Reqayê goreke bikom li nêzîkî Parka Panoramayê hate dîtin, lê heta niha termên ku di nav wê gorê de ne, nehatine derxistin.

 

Berpirsê grûba bersivdayîna bilez a girêdayî Encûmena Sivîl a Reqayê, Yasir Elxemîs daye xuyakirin, ku hêj ew nizanin çend term di nava wê gora bi komî de ne û karê derxistina terman ji wê gore jî hêj destpê nekiriye.

 

Yasir Elxemîs herwiha gotiye, di heftiya bê de, dê proseya derxistina terman û bi belgekirina wan destpê bike.

 

Li gor wî berpirsî, heta niha 9 gorên bikom li Reqayê hatine dîtin, û bi tenê ji her du gorên Reşîd û Hedîqet El-Heywananat zêdetirî  hezar û 500 term hatine derxistin, ku piraniya terman ên xelkê sivîl bûne.

Ev nûçe 434 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin