Li Kampa Holê jineke din a Êzidî hat dîtin

Li Kampa Holê jineke din a Êzidî hat dîtin

Jineke din a Êzidî li Kampa Holê ya li rojavayê Kurdistanê hat dîtin ku piştî êrîşên çekdarên DAIŞê bo ser gundê Koço, ji aliyên çekdarên wê rêxistinê ve hatibû revandin.

A+A-

 

Nasnameya N.E.E ya xelkê gundê Koço, li Kampa Holê ya desteserkiriyên DAIŞê eşkere bû, ku jineke Kurd a Êzidî ye û piştî revandina ji aliyê DAIŞê ve, çarenûsa wê ketiye destê çekdaran.

Bav û dayîk û birayekî N.E.E jî ji aliyê DAIŞê ve bi heman şêwe hatine revandin û heta niha jî çarenûsa wan nayê zanîn.

Hemdî Murad, xizmê N.E.E ji Kurdistan24ê re ragihand: “N.E.E 26 salî ye û nasnameya wê li Kampa Holê eşkere bû û niha li Mala Êzidiyan a li rojavayê Kurdistanê ye û biryar e vegere Herêma Kurdistanê.”

Piştî ku li gundê Koço çekdarên DAIŞê komkujiya xelkê wê deverê kirin, di nav 12 rojan de piraniya jinên gund ji aliyê DAIŞê ve bo Mûsil û deverên din ên bin desthilata rêxistinê hatin birin û beşek ji wan jî ber bi Sûriyê ve hatin veguhestin.

Gundê Koço 21 kîlometre ji navenda navçeya Şingalê dûr e û ser bi nahiya Qeyrewan e.

Heta niha 12 gorên bikomî li gundê Koço hatine dîtin û rufatên 517 kesan hatine derxistin û 516 kes jî winda ne.

 

Ev nûçe 158 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin