Li Efrînê çekdaran 9 kes revandin

Li Efrînê çekdaran 9 kes revandin

Li Efrînê û gundên wê, zincîreya revandina welatiyên kurd ji aliyê grûpên çekdar ve berdewam e.

A+A-

Rêxistina Mafên Mirovan li Efrînê belav kir, grûpên çekdar ên ser bi artêşa Tirkiyê ve, îro 4 karmendên Encûmena Xwecihiya Mabeta û 3 kesên din revandin.

Wê rêxistinê da zanîn, piştî ku karmendên Encûmena Xwecihî pere dan, ew hatin berdan. Lê 3 kesên din, çarenivîsa wan ne diyar e.

Diyar kir jî, çekdarên grûpa Ehrar El Şerqiye roja 9ê vê mehê 2 kes (Egîd Şêxo Şêxo û Celal Mihemed Şêxo) ji gundê Qêsim ê li navçeya Reco revandin û piştî çekdaran pere ji wan standin, ew berdan.

Çalakvanên Efrînê dibêjin, bi armanca koçberkirina kurdan ji Efrînê û guhartina demografiya herêmê, grûpên çekdaran bi her awayî zulm û zorê li xelkê Efrînê dikin, wek: Revandin û eşkencedana welatiyan, dizî, talan, destdanîna ser mal û milkên xelkê, şewitandina dar û zeviyên cotkaran.

 

Ev nûçe 110 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin