• Diyarbakır 28 °C
  • Batman 25 °C
  • Hakkari 14 °C
  • Şırnak 22 °C
  • Ağrı 15 °C

Li Efrînê bombebaran didome!

Li Efrînê bombebaran didome!
Balafirên şer ên Artêşa Tirkiyê careke din gundê Hecsikenderê yê herêma Cindirêsê bombebran kirin û herwiha gundê Hemamê yê Cindirêsê jî tê topbaran kirin.

Bombardimana balafirên şer ên artêşa Tirkiyê bo ser navçe û gundên Efrînê ya Rojavayê Kurdistanê berdewam e. Li gor agahiyan, gelek zerer û ziyan gehiştiye malên welatiyên navçeyê û birîndar jî hene.

 

Hate ragihandin ku, balafirên şer ên artêşa Tirkiyê îro dîsan gundê Hecsikenderê yê herêma Cindirêsê  bombebran kirin û gundê Hemamê yê Cindirêsê jî tê topbaran kirin. Herwiha hat ragihandin ku sivîlên birîndar jî hene.

 

Vê sibê jî balafirên şer derdora çiyayê Gir û gundên Tobal, Ibêdan, Qurnê, Elî Caro û girê Şêx Xurzê yên navçeya Bilbilê bombardiman kiribûn. Di encam de gelek zerer û ziyan gihiştibû malên welatiyên navçeyê.

 

 

Artêşa Tirkiyê 20ê Çileya 2018ê operasyona Efrînê da dest pê kirin û rojane navçeyên derdora Efrînê tên topbaran kirin. Di van êrîşan de heta niha bi dehan kes bûne qurbanî û di nav wan de kesên sivîl jî hene. Bi hezaran kes jî koçber bûne.

Ev nûçe 546 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din