Li Dêrsimê heta 15 rojan çalakî hatine qedexekirin

Li Dêrsimê heta 15 rojan çalakî hatine qedexekirin

Walîtiya Dêrsimê bi sedema belavbûna Covid-19ê ji bilî bernameyên “li gorî kevneşopan” hemû civîn, meş, konser, konferans û yên weke wan heta 15 rojan qedexe kiri.

A+A-

Walîtiya Dêrsimê heta 15 rojan li tevahiya bajarê hemû xwenîşandan, civîn, konferans, şahî û konser xedexe kir.

Walîtiyê daxuyaniyek weşandiye û tê de gotiye ku biryar li gorî Xala 19em a Qanûna Civîn û Meşên Xwenîşandan a hejmar 2911ê û Xala 11/A û 11/C ya Qanûna Rêveberiya Bajaran a hejmar 5442yê hatiye standin.

Walîtiyê derbarê mijarê de wiha gotiye:

“Her cure civîn û meşen xwenîşandan, miting, civînên li derve, çalakiyên protestoyî, çalakiyên rûniştinê, grevên birçîbûnê, vekirina standan, kampanyayên îmzeyan, konser, şahî, belavkirina belavokên destan û broşuran, vekirina afîş û posteran, pêxistina meşaleyan û hildana wan, konferans û yên weke wan…”

Walîtiyê diyar kiriye ku ev biryar wê heta 28ê Îlonê saet 23.59 deqîqeyan pêk were û hin tiştên wê nekevin ber vê qedexeyê jî rêz kiriye:

* Bernameyên ku Walîtî û Qeymeqamtiyê pejirandine

* Bernameyên dem û dezgehên fermî wê li gorî kevneşopê pêk bînin yên weke cejnên fermî, rojên bîranînê yên fermî, merasîm û pîrozbahiyên fermî

* Xebatên sportîv, civîn û bernameyên bi armanca zanistî, bazirganî û aboriyê wê werin kirin

* Daxuyaniyên çapemeniyê yên hejmareke kêm kes beşdar bibin, div an civînan de divê maske werin danîn û li gorî rêzikên mesafeya civakî tevbigerin. (EKN/FD)

 

Ev nûçe 117 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin