Komkara Erebî bang li Tirkiyê kir ku hêzên xwe yên serbazî ji Iraqê vekişîne

Komkara Erebî bang li Tirkiyê kir ku hêzên xwe yên serbazî ji Iraqê vekişîne

.

A+A-

 Li gorî reşnivîsa daxuyaniya dawiyê ya civîna Komkara Erebî, bang li Tirkiyê hatiye kirin ku hêzên xwe yên serbazî ji Iraqê vekişîne.

32emîn Lûtkeya Komkara Erebî îro Înê 19ê Gulana 2023an li Cedde ya Erebistana Siûdiyê dest pê kir ku piştî 12 salan Serokê Sûriyê Beşar Esed nûnertiya welatê xwe tê de dike.

Li gorî reşnivîsa daxuyaniya dawî ya lûtkeyê, piştgiriya Iraqê tê kirin û derbasbûna artêşa Tirkiyê bo nav sînorê Iraqê hat şermezarkirin.

Di daxuyaniyê de her wiha ji Tirkiyê tê xwestin ku leşkerên xwe bê şert û merc ji Iraqê vekişîne.

Reşnivîsa daxuyaniyê pêşwaziyê li rêkeftina navbera Erebistana Siûdî û Komara Îslamî ya Îranê ji bo jinûve destpêkirina peywendiyên dîplomatîk kir ku Iraq navbeynkariya wê dike û çendîn gerên gotûbêjên navbera rayedarên Riyad û Tehranê li Bexdayê hat kirin.

Di reşnivîsa daxûyaniyê de tekezî li ser yekparçeyiya axa Sûriyê û aramiya Sûriyê tê kirin û daxwaza bihêzkirina hewlên ji bo derbaskirina qeyranê li Sûriyê û piştevaniya gelê Sûriyê jî hat kirin.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin