Jonhson: Putin dîktator e

Jonhson: Putin dîktator e

.

A+A-

Serokwezîrê Îngîltere Boris Johnson paketa dorpêçên li dijî Rûsyayê ragihand û heyiyên temamê bankayên mezin yên Rûsyayê ku li Îngîltere ne da rawestandin. Johnson ragihandina xwe di kamara Awamê de kir û got; wê dorpêçên herî xwurt deynin ser Rûsyayê.

Johnson behsa deh tedbîran kir û got ku wê dest deynin ser heyiyên banka Rûsyayê ya bi navê VTB ku xwediyê 154 mîlyar Sterlîniye û wê dest deynin ser temamê bankayên Rûsya yên li Îngîltere. Wê Îngîltere qanûn derxe ku hemwelatiyên Rûsyayê karibin di hesabên bankayên Îngîlîz de miqdarekî pere bikarbînin û ji bo nikaribin xwe bighînin sîstema Rûsyayê ya bi navê SWIFT ê, wê bi endamên G7 û NATO re bihevre bixebitin.

Wê dorpêçê deynin ser şîrketa herî mezin ya bi navê Rostecê û gelek kes, dezge û saziyên pêwendîdarên wan. Roja sêşemê wê qedexe deynin ser şîrketên Rûsyayê yên ku ji bazara Îngîltere fînansê temîn bikin û ji bo wan qanûn çêbikin. Wê îzna lîsansa şîrketên ku mal difroşin Rûsyayê bidin rawestandin.

Wê qedexê deynin ser şîrketa seferên hewayî ya Rûsyayê ya bi navê Aeroflot ê û wê balafirên Rûsya nikaribin herin Îngîltere. Wê ev tedbîr heya Belarûsê bên firehkirin.

Wê Îngîltere tedbir bistîne ku li Îngîltere ji bo Rûsyayê perê nê bexşandin û li hemberê wan kesan wê ‘qanûna sûc ya aboriyê’ bixin rojevê.

Ev nûçe 225 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin