• Diyarbakır 15 °C
  • Batman 15 °C
  • Hakkari 11 °C
  • Şırnak 14 °C
  • Ağrı 10 °C

Ji Serdoziya Komarê bo Muslim biryareke nû

Ji Serdoziya Komarê bo Muslim biryareke nû
Serdozgeriya Komarê ya Enqereyê di çarçoveya lêpirsîna teqîna daîreya bacê ya Enqerê de, derbarê endamê Komîta Dîplomasî ya TEV-DEMê Salih Mislim de biryara desteserkirinê da.

Hatibû îdîakirin, êrişkarê daîreya bacê ji Rojavayê Kurdistanê derbasî Tirkiyê bûye. Biryara dozgeriyê bo Wezareta Dadê ya Tirkiyê hat şandin ku, di nav dosyeya radestkirinê de were bicîhkirin.

Peyvdarê Hikûmeta Tirkiyê Bekir Bozdag, îro da xuyakirin, wan daxwaznameya radestkirinê duh şandine Çekyayê. Balyozê Tirkiyê li Pragê jî da zanîn, dadgehkirina Mislim ji bo sibe hatiye paşxistin.

Endamê Komîta Dîplomasî ya TEV-DEMê Salih Mislim Duh 25ê Sibatê, ji aliyê hêzên ewlehiyê yên Çekyayê ve hat desteserkirin û berpirsên TEV-DEMê desteserkirina Salih Mislim wek binpêkirinekê ji yasayên navdewletî re binav dikin.

Li aliyê din, parêzerê Salih Mislim da xuyakirin, polîsê Çekyayê hê jî dosyeya derbarê Mislim de neşandiye dadgehê û moleta binçavkirinê demjimêr 11'ê şevê temam dibe.

Ev nûçe 489 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din