Ji ber kincên kurdî rastî êrişê hat!

Ji ber kincên kurdî rastî êrişê hat!

Li bajarê Fellûce yê Iraqê, komek kesên ereb ji ber kincên kurdî li zilamekî kurd dan û heqaret lê kirin.

A+A-

Li bajarê Fellûce yê Iraqê, komek kesên ereb ji ber kincên kurdî li zilamekî kurd dan û heqaret lê kirin.

Li gorî agahiyan, kesekî kurd bi navê Huner, ku xelkê Herêma Kurdistanê ye lê mala wî li bajarê Fellûce yê Iraqê ye, ji ber ku kincên kurdî li ber kiribû, rastî êrişa komek kesên ereb hat.

Wî zilamê kurd, ku jina wî xelka bajarê Fellûce ye, li Fellûce ji xwe re xwaringehek vekiriye û rojane bi kincên kurdî diçe ser karê xwe.

Ewên ku li wî zilamê kurd dane, jê re gotine xwaringeha xwe bigire.

Li gorî nûçeya malpera erebî ya “Baghdadtoday.news”, ew kesên ku êrişî wî zilamê kurd kirine, ji aliyê hêzên asayişê ve hatine girtin. Efserên asayişê bi wî welatiyê kurd re wêne girtine û bi rengî xwastine piştevaniya xwe bo wî nîşan dane. 

Ew êriş di demekî de li dijî kesekî kurd tê kirin ku her sal bi sed hezaran erebên Iraqî, ku beşek mezin ji wan xelkê Fellûce û Enbarê ne, serdana Kurdistanê dikin. Xelkê Kurdistanê ne tenê li wan nadin û heqaretê li wan nakin, gelekî jî hurmeta wan digirin.

Bajarê Fellûce girêdayî parêzgeha Enbar ya Iraqê ye. Fellûce yek ji wan bajaran bû ku demek dirêj di destê DAIŞê de ma.

Ev nûçe 148 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin