Ji Almanyayê bo Tirkiyê: Xwe ji operasyonê dûr bixe

Ji Almanyayê bo Tirkiyê: Xwe ji operasyonê dûr bixe

Berdevkê Hikûmeta Almanyayê Steffen Seibert, bang li Tirkiyê kir ku xwe ji operasyona Sûriyê dûr bigre. Serokkomarê Tirkiyê berî niha ragihandibû ku di demeke nêzîk de operasyona rojhilatê Firatê destpê dike.

A+A-

Berdevkê Hikûmeta Almanyayê Steffen Seibert tekez kir ku li Sûriyê "çareseriya leşkerî" ne mimkun e û ev yek "bo hemû axa Sûriyê heman tişt e."

 

Derbarê mijarê de Wezareta Derve ya Almanyayê jî daxuyaniyek da.

 

Berdevkê Wezaretê, ragihand ku destêwerdaneke leşkerî dê rewşa mirovî li wî welatî zehmettir bike û divê Tirkiye gelekî bi berpirsyarî tevbigere.

 

Li gor medya Almanyayê, Berdevkê Wezaretê herwiha bang li hemû aliyan kir ku bi berpirsyarî tevbigerin û got: "Bo dema niha tişta herî girîng ev yek e."

Ev nûçe 241 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin