Di dema 6 heftiyên derbasbûyî de rahênerên Îtalî xûleke rahênanê ji bo hêzên pêşmerge yên Zêrevaniyê vekiribûn û  têde 65 pêşmerge beşdar bibûn. Îro Pêncşembî 9ê Tebaxa 2018an roja dawiya vê xûla rahênanê ye ew xûl bi dawî tê.

 

Di wê xulê de rahênan li ser parastina kesayetî û wan konsul û nûneratiyên welatan hatiye kirin, ku li Herêma Kurdisatnê hene. Herwiha pêşmergeyên beşdar di xûlê de li ser çawaniya rûbirûbûna alozî û fitnegeriyê û danîna xalên kontrolê û çend erkên din, rahênan wergirtine.

 

Berpirsê  Rewşenbîrî û ragiahndina fermandehiya Zêrevaniyê , Emîd Dîdewan Xurşîd  ragihand, Tîmeke Îtalî di çarçoveya rahênana pêşmerge de, di dema 6 heftiyan de xûleke rahênanê ji bo 65 pêşmergeyên hêza Zêrevaniyê vekiribû û 65 pêşmerge ji hêzên Pasevanên Konsulxaneyan û Lîwaya Yek a Parastina Saziyên Petrolê li Herêma Kurdistanê  têde beşdar bibûn.

 

Dîdewan Xurşîd herwiha got: “Em dê berdewam bin li ser rahênan û dana zanyariyan bi hêzên pêşmerge, daku zêdetir şareza bin û çalaktir bin bo parastina hemû saziyan û hemû Herêma Kurdistanê.”