Îran.. Di xwepêşandanên Zahidanê de bi dehan kes hatin kuştin

Îran.. Di xwepêşandanên Zahidanê de bi dehan kes hatin kuştin

.

A+A-

Xwepêşandanên li dijî kuştin keça Kurd Jîna Emîn, li seranserê Îranê berdewam in.

 Di pevçûnên di navbera hêzên Supaya Pasdarên Îranê û xelkê bajarê Zahidan li parêzgeha Sîstan û Belûcistanê de, bi dehan kes hatin kuştin û birîndar bûn.

Parêzgehên Sîstan û Belûcistanê ragihand, di encama şer û pevçûnên duhî Înê li bajarê Zahîdan de, 19 kes hatin kuştin û 20 kes jî birîndar bûn.

Ji aliyê xwe ve, çalakvanên wî bajarî dibêjin, herî kêm 58 kes bi guleyên rasterast ên hêzên çekdarên Îranê hatine kuştin.

Çalakvanên Belûcî didin zanîn, Berpirsê Îtîlaat (îstixbarat) a Supaya Pasdaran li Sîstan û Belûcistan û cîgirê wî bi guleyên çekdarên nenaskirî hatin kuştin û 3 endamên Supaya Pasdaran jî birîndar bûn.

Parêzgeha Sîstan û Belûcistan, yek ji 31 parêzgehên Îranê ye. Ew li başûrê rojhilatê Îranê li ser sînorên Pakistan û Afganistanê ye. Paytexta wê jî bajarê Zahidan e.

Piştî bûyera kuştina keça Kurd a Rojhilatê Kurdistanê Jîna Emîn roja 16ê meha borî li Tehranê ku malbata wê dêbêje ew ji ber eşkencedana ji aliyê hêzên ewlekariyê ve hatiye kuştin, gelek karvedanên li ser asta navxwe û navdewletî li piştî xwe anîn û xwepêşandanan li gelek bajarên Rojhilatê Kurdistanê û Îranê dest pê kirin.

(K24)

Ev nûçe 89 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin