HTŞ: Em amade ne digel Tirkiyê şerê Kurdan bikin
Rêxistina Heyet Tehrîr Şam (HTŞ-El Nûsra) ku girêdayî El Qaydê ye û demek berê şerê grubên opozîsyona çekdar a girêdayî Tirkiyê dikir, ragihand ku ew ê piştgiriyê bidin operasyona Tirkiyê ya ser Rojhilatê Firatê û Rojavayê Kurdistanê.
A+A-
Serokê rêxistina tundrew HTŞê Ebu Muhammed El Joulanî di hevpeyvînekê de got ku ew amade de di operasyona ser Rojava de piştgiriyê bidin artêşa Tirkiyê û şerê Kurdan bikin.
Joulanî di hevpeyvîna 14ê Çileyê ya ligel Ajansa Amjad de, diyar kir ku wekî hêzeke çekdar a operasyonel ew amade ne bi awayekî çalak beşdarî operasyonê bibin.
Hêjayî gotinê ye, li devera Idlibê HTŞ rêxistineke xwedî bandor e û bi qasî 20 hezar çekdarên wê hene û El Qaydeya pê ve girêdayî jî li tevahiya dinyayê wekî rêxistineke terorîst hatiye nasandin.
HTŞê heta niha çar caran navê xwe guherandiye ku navê dawî hîn neketiya lîsteya terorê.
(peyamakurd)
Nûçeya berê û ya piştre
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin