Merkezê Xeberan - 4 rojî verê cû keştîya multecîyan Gewaşê Wanî de binê awe de mendbî. Keştîya ke bi desan kesî tede bî înan ra tirmê 6 kesan ame vînayîş.

27ê hezîrane de keştîyêka multecîyan Gevaş de cûm bibî  û bi desan multecîyî vînî bibî. Dima ra zî xebata cigêrayîş û xelisnayîşî dest pêkerdbi.

Wezîrê Karanê Zereyî yê Tirkîya Suleyman Soyluyî da zanayîş ke, yeno texmînkerdiş ke keştîya multecîyan de 50-60 kesî estbî û va : ''Înan ra heta nika meyîtê 6  kesan ame dîyene. Derheqê hedîse de 11 kesî zî ameyî tepiştne. Muxdarê dewe zî wezîfe ra ame girewtene.''

Derheqê nasnameyanê meyîtan de zanayîşêk nêame aşkerekerdene.