Merkezê Xeberan- Hewteyêk verê cû Dîyarbekir de vajîyabi ke, çend kesî werdişê şîranî ver jehr kewtê û wedarîyayê nêweşxaneyan.

Wayîrê Pastaxaneyê Hacibabayî Yilmaz Elaldiyî îdîaya jehrbîyayîşî ser o beyanatêk da û va ke, Ma rê neheqî bîya. Îdîayî pêro zûr ê û ma rê kumpas bîyo.

Wayîrê Pastaxaneyê Hacibzbayî Yilmaz Elaldiyî wina dewam kerd: A roja ke vajîya werdişê şîranî ver milet jehr kewto şîranîya ma ra nimuneyî amê girewtiş. Nimuneyo ke ame gitewtiş ra se ra 95 şîranîya ma pak vejîya. Hetê Midûrîya Zîret û Daristanî ra raporê pakîya şîranî dîya ma. No kumasêk o.  Ma rê îftîra bîya.

Yilmaz Elaldiyî da zanayîş ke qasê 30 serrîyo ke Dîyarbekir de karê şîranî keno û wina va: Êyê ke nêeşkenî sey ma baqlawaya serde vejî û nêeşkenî sey ma îhaleyan bigîrê ma rê na îftîra kerda. Ma her roje şîranî roşenê 40 hezar kesan. La a roje tena 30 tenî jehr kewtî. Ma wazenê wa na hedîse ser o cigêrayîş bêro kerdiş. A roje nêweşxaneyan de kamcî doktorî wazîfe kerdî, kamî nêweşî teşwiq kerd. Tehlîlan ra çîyêk nêvejîya. 

Yilmaz Elaldiyî va ke, ma pê 400 personelanê xo şarê xo rê xizmet kenî. Her roj 40 hezar tenî ma ra şîranî gênî. Eke wina yew çî bibêne xeylê kesî jehr kewtêne. Kamî kê na oyine de ca girewtê gere bêrê aşkerekerdiş.