• Diyarbakır 33 °C
  • Batman 35 °C
  • Hakkari 26 °C
  • Şırnak 33 °C
  • Ağrı 24 °C

Efrîn.. Grûpên çekdar bi keviran kalemêrekî 70 salî kuştin

Efrîn.. Grûpên çekdar bi keviran kalemêrekî 70 salî kuştin
Li Efrînê, grûpên çekdar ên ser bi artêşa Tirkiyê ve kalemêrekî 70 salî eşkence kir û bi keviran kuşt.

Rêxistina Mafên Mirovan li Efrînê li ser rûpela xwe tûra civakî belav kir, çekdaran berî çend rojan kalemêrê bi navê Hemdî Ebdo yê 70 salî û hevjîna wî Sultanê Nasiro Xelîl ya 60 salî yên ji gundê Beradê ya navçeya Şêrewa revandibûn û piştre Sultanê kuştibûn.

Rêxistina Mafên Mirovan da zanîn jî, duh xelkê gundê Beradê termê Hemdî Ebdo 200 M li başûrê gund dîtin ku destek û lingekî wî hatibûn birîn û bi keviran hatibû kuştin.

Da zanîn jî, grûpa çekdar a li navçeya Şêrewa bi navê El-Hemzat e û serkirdeyê wê Ebû Elî Heyanî ye û ew berpirsê tawanên ku li navçeya Şêrewa û çiyayê Lêlûn dibin e.

Rêxistina Mafên Mirovan li Efrînê amaje bi wê yekê jî kir, dema Hemdî Ebdo Sultanê Nasiro Xelîl ji malê hatibûn revandin, çekfaran 7 milyon Leyreya Sûrî, yek kilo zêr û 10 çêlekan jî dizî bûn.

Ev ne cara yekem e grûpên çekdar welatiyên Efrînê di eşkenceyê de dikujin, berî demekê endamê Encûmena Sivîl a Şiyê Ehmed Şêxo û pêr jî welatiyekî nexweş bi navê Hisên Şêxo yê ji gundê Mosako ya Raco di bin eşkenceyê de kuştibûn.

Artêşa Tirkiyê û çekdarên ser bi wê ve di roja 18ê Adarê derbasî Efrînê bûn û dagîr kirin, ji wê demê ve jî bi sedan welatiyên Kurd ên Efrînê ji aliyê grûpên çekdar ve têne revandin û rastî eşkenceyan tên. Ev ji bilî dizî û talankirina malên Kurdan û şewitandina dar û daristanên Efrînê.    

 

Hemdî Ebdo û hejîna wî Sultanê Nasiro Xelîl

 

Ev nûçe 400 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din