Ebû Leyla bi merasimeka girseyî li Kobanî hat binaxkirin

Ebû Leyla bi merasimeka girseyî li Kobanî hat binaxkirin

Ebû Leyla bi merasimeka girseyî li Kobanî hat binaxkirin

A+A-

Cenazeyê Fermnadarê HSDê, Faysal Abdi Bilal Sadun (Ebû Leyla) bi merasîmeke leşkerî  li goristana şehîdan a bajarê Kobanî yê Rojavayê Kurdistanê hat bin axkirin.

Ebû Leyla (Babê Leyla) roja 2ê Hezîranê di operasyona rizgarkirina Mibicê ji detsê DAIŞê de bi giranî birîndar bibû û bo dermankirinê bi rêya helîkoptereke amerîkî ve bo Başûrê Kurdistanê hatibû veguhastin û 5ê Hezîran a 2016an li nexweşxaneya Şar a bajarê Silêmaniyê şehîd bibû.

Piştî şehîdbûna Ebû Leyla, cenzaeyê wî bo veşartinê bo Rojavayê Kurdistanê hat birêkirin û di 6ê Hezîranê de li Goristana Şehîdan a Kobanî bi beşdarbûneke girseyî bi axê hat spartin. Hevseorkê Partiya Yekîtiya Demokratîk (PYD) Salih Muslim jî beşdar bû.

Ebû Leyla li Kobanî û dema ku zêdetirî 4 mehan Kobanî di bin dorpêçe û êrişa tund a çekdarên DAIŞê de bû, li dijî wê rêxistina tundrew şer kiribû.

Ebû Leyla sala 1984an li gundê Qererişk a girêdayî herêma Kobanî ya Rojavayê Kurdistanê ji dayik bibû, 8 salan li bajarê Minbicê jiyabû û xebitîbû. 

Ev nûçe 2275 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin