• Diyarbakır 6 °C
  • Batman 6 °C
  • Hakkari 1 °C
  • Şırnak 8 °C
  • Ağrı 1 °C

Di navbera Amerîka û Kurdistanê de protokola fermî!

Di navbera Amerîka û Kurdistanê de protokola fermî!
Li gor protokolê dê Amerîka alîkariya leşkerî û darayî bide Herêma Kurdistanê

Bi amadebûna Serokê Herêma Kurdistanê Mesûd Barzanî protokola di navbera Herêma Kurdistanê û Amrîkayê de protokola leşkerî hate îzmekirin.

Protokola di bin çavdêriya Barzanî de ji aliyê Wezîrê Nevxwe û Wezîrê Pêşmerge yê bi wekalet Kerîm Şingalî û Cîgirê Wezîrê Berevanî yê Amerîkayê Elissa Slotkin ve hate îmzekirin.

Li gor protokolê dê Amerîka alîkariya leşkerî û darayî bide Herêma Kurdistanê û wê ev protokol jî heta dawiya şerê li dijî DAIŞê derbasdar be.

Berpirsên hikûmeta Herêma Kurdistanê amaje bi wê yekê dikin ku ev yekemîn protokola leşkerî û darayî ya di navbera Hewlêr û Washingtonê de ye.

Herweha li gor malpera fermi ya seroktiya Herêma Kurdistanê Roja dûşem 11.07.2016 li peywendiyekî telefonî ya di navbera birêz Mesûd Barzanî Serokê Herêma Kurdistanê û Ashton Carter Wezîrê Berevaniya Wîlayetên Yekgirtiyê Amerîka guhertinên meydaniyên dawî ya şerê terorîstên Da'îş û hemahengiya di navbera hêzên Pêşmerge û hevpeymanan û hêzên Iraqê li şerê terorîstan û her wiha hevkarîkirina Wîlayetên Yekgirtiyên Amerîka ya hêzên Pêşmergeyên Kurdistanê nirxandin.

Her li vê peywendiya telefoniyê da Wezîrê Berevaniya Amerîka li berdewamî û pabendbûna welatê xwe ya ji bo hevkarîkirina hêzên Pêşmergeyê Kurdistanê piştrast kir û xweşhaliya xwe jî li hemahengî û hevkariya di navbera hêzên Pêşmerge û hêzên Iraqê de nîşan da.

Li beşekî dinê vê peywendiya telefoniyê da Serok Barzanî spasî artêşa Amerîka û hêzên hevpeymanan ya li piştevanîkirina Pêşmerge li şerê terorîstan kir û her wiha ji bo biryara Wîlayetên Yekgirtiyên Amerîka ya hevkarîkirina hêzên Pêşmergeyên Kurdistanê de, pêzanînên xwe jî hebû.

Ev nûçe 851 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din