Mehmet Halîl Yavuzo 12 serre Kursê Quranî yê Karşiyaka yê Mûşî de bi dardekerde amebi vînayîş. 25 rojîyo ke hedîse nêameyo roşnîkerdene, dosya ser o qerarê nimiteyî esto.

M. Halîl Yavuzo 12 serre 3ê temmuze de Kursê Quranî yê Karşiyaka yê Mûşî de merd. Cenazaya ey bi dardekerde amebî dîyene. Yavuz wedarîya nêweşxane la nêxelisîya û 10 rojan ra dima merd. Îdarekaran va, Yavuz xo kişto.

Raporê otopsîya Yuvuzî yeno nimnayîş, dosya ser o qerarê nimiteyî esto û hedîse ser o zî qedexeyê weşanî esto. Semedo ke mergê Halîl Yavuzî bêro eşkerakerdiş keye û avûkatê Baroyê Mûşî muracat kerd la înan netîceyêk nêgirewt. Keyeyê Yavuzî vano, tutê ma xo nêkişto û mergê ci şikdar o.

Serekê Baroyê Mûşî avûkat Kadîr Karaçelîlî îfade kerd ke qerarê nimiteyî yê serê dosya heta amadekerdişê îdîanameyî beno ke dewam bikero. Karaçelîkî da zanayîş ke, ê nêzanê ke dosya de çend delîlî estê û ê do wexto ke qerarê nimiteyî wedarîya eşkerayîyêk bidê. Karaçelîkî ard ziwan ke baroyê înan tewrê dewa bîyo û dewa teqîb keno. Karaçelîkî vat: ''Semedo ke hedîse eşkera bibo ma do xebatanê xo rê dewam bikerê.''