Cerganê DAÎŞî wîlayetê Dîyala yê Iraqî de hêrişê dewêke kerd. Hêriş de en tay 12 kesî ameyî kiştene, 15 kesî zî birîndar bîyî.

Goreyê çimeyanê asayîşî yê Iraqî, DAÎŞî hêrişê dewa El Reşadî ya qezaya El Mikdadîye ya Dîyala kerd. Hêriş de 12 kesî merdî û 15 kesî zî birîndar kerdî.

Hêrişkerî remayî û hêzê asayîşî sewqê herême ameyî kerdene.

Serekwezîrê Iraqî Mistefa Kazimîyî twitterî ra eşkerayîyêk da û pare kerd ke operasyonêko hîra dîyayo destpêkerdene.