Navenda Nûçeyan- Dadgeha Mafên Mirovan a Ewropayê(DMME) li ser girtina Osman Kavalayî biryar daye ku Hevpeymana Mafên Mirovan a Ewropayê hatîye binpêkirin.

Dadgehê biryar daye ku bêyî gumaneka maqul hebe Osman Kavala hatîye girtin. Herweha Dadgeha Qanûna Bingehîn di demekê maqul de li serlêdanê nenêrîye.

“Em ê daxwaza tehlîyeyê bikin”

Parêzerê Osman Kavalayî ji bi anetê re got ew ê di demekê nêzîk de dozê vekin û daxwaza tehlîyeyê bikin.

Parêzerê Selahattîn Demirtaşî, Ramazan Demirî li ser medyaya civakî daye zanîn ku piştî doza Selahattin Demirtaşî cara duyem e ku Dadgeha Mafên Mirovan a Ewropayê(DMME) li ser Xala 18. biryarê li dijî Tirkîyeyê dide.

Osman Kavala karsazek e ku 18ê Çirîya Pêşîyê ya 2017ê hatibû desteserkirin û 1ê Çirîya Paşîyê ya heman salê hatibû girtin. Kavala ji Doza Gezîyê tê dadkirin.

Doza Çalakîya Gezîyê

16ê Çirîya Paşîyê (Sermawez, Mijdar) ya 2018ê polîsan operasyon li dar xistibû û Porf. Dr. Betul Tanbay û Prof. Dr. Tûrgût Tarhanli, Wekîlê Serokê Lijneya Rêveberîya Anadolû Kulturê Yîgît Ekmekçî, endamên Lijneya Rêveberîyê Alî Hakan Altay, Koordînatorê Giştî Asena Gunal û produktor Çîgdem Mater û Meltem Aslan, xebatkarên rêxistinên civaka sivîl Yîgît Aksakoglû, Fîlîz Telek, Bora Sari, Yûsûf Civir, Ayşegul Guzel û Hande Ozhabeş hatibûn desteserkirin.

16ê Çirîya Paşîyê piştî îfadegirtina wan Hande Ozhabeş, Prof. Dr. Tûrgût Tarhanli, Asena Gunal u Bora Sari û Meltem Aslan, 17ê Çirîya Paşîyê jî Prof. Dr. Betul Tanbay, Yîgît Ekmekçî, Hakan Altinay, Yûsûf Civir, Ayşegul Guzel û Çîgdem Mater hatibûn berdan.

Yîgît Aksakoglû ku li Zanîngeha Bîlgîyê ya Stenbolê xebatên civaka sivîl dikir hatibû girtin.

Osman Kavala Serokê Lijneya Rêveber ê Anadûlû Kulturê ji 1ê Çirîya Paşîyê ya 2017ê û vir ve bêyî ku îdianame ji bo wî bê amadekirin girtî ye.

Dozgerî ji îfadeyê bang li Atalay, Kahraman, Yapici, Saymadi, Agabeyoglû kiribû

Di çarçoveya lêpirsîna Gezîyê ya ku Serdozgerîya Komarî ya Stenbolê dimeşîne, rêveberên Şaxa Buyukketa Stenbolê ya Odeya Mîmaran û ji Piştevanîya Taksîme Mucela Yapici û parêzer Can Atalay, plankarê bajarvanîyê Tayfûn Kahraman, endamê Meclîsa Partîyê ya Partîya Ji nû ve avakirinê ya Sosyalîstan (SYKP) Ahmet Saymadî û Halûk Agabeyoglû, 28 û 30ê Çirîya Paşîyê ya 2018ê li Midurîyeta Emnîyetê ya Stenbolê îfade dabûn.

Îdianameyeka 657 rûpelî 20 Sibatê hatibû amadekirin. 30em Dadgeha Cezayê Giran a Stenbolê 4ê Adara 2019ê ev îdianame qebûl kiribu. Di îdianameyê de li gel Can Dundar û Mehmet Alî Alabora kesên din ên ku tên tohmet kirin ev in:

Endamê Lijneya Rêveber a Anadolu Kultur A. Ş.yê Ali Hakan Altinay, Mîmar Mucella Yapici, lîstikvan Ayşe Pinar Alabora, sînemager û rojnameger Çîgdem Mater Ûtkû, Nûnera Tirkîyeyê ya Weqfa Civaka Vekirî Gokçe Yilmaz, nivîskar Handan Meltem Arikan, Koordînatora Navenda Pêşxistina Civaka Sivîl Hanzade Hîkmet Germîyanoglû, Înanç Ekmekçî, alîkarê derhênerî/ê, sînemager û reklamsaz Mîne Ozerden, parêzer Can Atalay, Serokê Lijneya Rêveberîya Şaxê Stenbolê yê Odeya Plansazîya Bajaran ê TMMOBê û endamê Lijneya Rêveber ê heman sazîyê, akademisyen Tayfûn Kahraman, Wekîlê Serokê Lijneya Rêveber ê Anadolu Kultur A. Ş. yê û Endamê Lijneya Rêveber ê Dibistanên Weqfa Terakkîyê Yîgît Alî Ekmekçî.

Lijneya Wezîran a 61ê bûye dozdar

Di îdianameyê de Lijneya Wezîran a 61ê weke dozdar hatîye nîşandan. Kesên di wê Lijneyê de cih digirtin ev bûn:

Serokwezîrê demê Recep Tayyîp Erdogan, alîkarê serokwezîrî Bulent Ariç, Alî Babacan, Beşîr Atalay, Bekîr Bozdag û Emrûllah Îşler, Wezîrê Behrvanî, Ragihandin û Veguhastinê Bînalî Yildirim, Wezîra Malbat û Polîtîkayên Civakî Fatma Şahîn, Wezîrê Yekîtîya Ewropayê Egemen Bagiş, Wezîrê Zanyarî Pîşeyî û Teknolojîyê Nîhat Ergun, Wezîrê Kar û Ewlehîya Civakî Farûk Çelîk, Wezîrê Jîngeh û Bajarvanîyê Erdogan Bayraktar, Wezîrê Karên Derve Ahmet Davûtoglû, Wezîrê Enerjî û Çavkanîyên Siruştî Taner Yildiz, Wezîrê Ciwanan û Sporê Sûat Kiliç, Wezîrê Çandinî, Xida û Ajalvanîyê Mehdî Eker, Wezîrê Bazirganî û Gumrukê Hayatî Yazici, Wezîrê Navxweyî Mûammer Guler, Wezîrê Geşepedanê Cevdet Yilmaz, Wezîrê Çand û Hunerê Omer Çelîk, Wezîrê Darayî Mehmet Şîmşek, Wezîrê Perwerdeya Milî Nabî Avci, Wezîrê Berevanîya Milî Îsmet Yilmaz, Wezîrê Daristanan û Avê Veysel Eroglû, Wezîrê Tenduristîyê Mehmet Muezzînoglû, Wezîrê Ekonomîyê Zafer Çaglayan û Wezîrê Dadê Sadûllah Ergîn.

746 kesan gilîyên 16 kesan kirîye

Di îdianameyê de navê 746 kesan weke kesên gilîyê 16 kesan kirine, hatîye nivîsandin.

Dîsa tohmetên derbarê 16 kesan de wiha hatîye nivîsandin:

"Xwestine Hikûmeta Komara Tirkîyeyê ji navê bibin û pêşî li wezîfekirina wan girtine, zerar û zîyan dane mal û milkan, bi awayekî xurt zerar û zîyan dane mal û milkan, madeyên bixeter li cem xwe girtine û dane hin kesên din, zerar û zîyan dane perestgehan û goristanan, muxalefeta li dijî yasaya hejmar 6136ê, bi awayekî xurt talankirin, bi awayekî xurt birîndarkirin û muxalefeta li dijî yasaya hejmar 2863yê.

Çavkanî: Bianet