Komeleyanê Elewîyan ê Demokratîkan (DAD)vera tepişîyayîşê Velî Yildizo ke Dêrsim de pê nameyê Xal Xizirî şinasîyeno û 65 serre yo razînêbîyayîşê xo mojna û waşt wa Yildiz cade vera bidîyo.

Dêrsim de Velî Yildizo 65 serre hetê cendermeyan ra  amebi tepiştene û dima zî tewqîf bi û erşwîya Zîndanê Xarpêtî.

Komeleyanê Elewîyan ê Demokratîkan (DAD) derheqê mesele de beyanatêk da û pare kerd ke Yildiz Dêrsim de sey 'Xal Xizirî' şinasîyeno. DADî da zanayene ke Yildizî mehkeme de wina îfade dayo: ''Ma tornê Xizirî yê. Pîrikê ma zî raştê neheqîye ameyî û Xarpêt de zîndanan de mendî. Ma zî bîyî qurbanê neheqîye.''

DADî pare kerd ke seba ke Yildiz vera neheqîye têgêrayêne ame tepiştene. DADî vat: ''Seba ma elewîyan dûstur 'dewleta qijkeke, edaleto pîl' o. Ganî elewîyî vera nê zulmo ke Menga Xizirî de ame kerdene, wurzê payan ser. Ma nê zulmî qebul nêkenê. Wa Velî Yildiz cade bêro veradayene.''