Serekê Dezgeyê Îstixbaratê Iraqî Ebû Elî Besrî derheqê cayê Serekê DAIŞî Ebubekir El Bexdadî de beyanat da.

Serekê Dezgeyê Îstixbaratê Iraqî Ebû Elî Besrî  wina va: Wexto ke terorîstê DAIŞî Iraq û Sûriy de derba girane werd û tesîrê înan qedîya Ebubekir Bexdadî  nameye xo bedilna û kerd Îbrahîm Awad Bender Samarrrayî. Baxdadî nika tayn endmamê DAIŞî ê ereban dir Sûrîye de maneno.

Serekê Dezgeyê Îstixbaratê Iraqî Ebû Elî Besrî wina dewam kerd: Bexdadî operasyonêka hewayî û îstixbarî de bi parçeyêkê fuze birîndar bîyo û felc vîyarnayo. No hêriş serra 2018î de wexto ke Bexdadî Hecîna Dêrazore de terorîstan dir kombîyayîş kerdêne, o wext virazîya. O bombarduman de Baxdadî bîyo felc.