Walîtîya Êlihî aşkera kerd ke, heme aktîvîteyê ke teberê aktîvîteyanê sazîyanê fermîyan de manenê, mabênê tarîxê 15-29 Temmuze de girêdayeyê destûrî yê, aktîvîteyê dormeyê zîndanî zî ameyê qedexekerdiş.

Walîtîya Êlihî, mabênê tarîxê 15-29 Temmuze de, teberê aktîvîteyê kombîyayîş, merasîm, şayî, pêşwazî, akerdişê standî û oxirkerdişî yê ke do hetê sazîyanê fermî yê umûmîyan ra bêrê kerdene, pêro aktîvîteyî girêdayeyê destûrî yê.

Walîtîye beyanatê xo de, “Seba temînkerdişê asayîşê milîyî, sîstemê umûmîyî û pawitişê asayîşî, vernîgirewtişê sûcan, pawitişê heq û azadîyanê bingeyênan û vernîgirewtişê qewimîyayîşanê şidetî” no qerar ameyo girewtene.