Hat ragihandin ku îro 26ê Sibatê balafirên şer yên Tirkiyê car din herdu gundên Siyan û Ergirnê yên çiyayê Garê yê li Başûrê Kurdistanê bombebaran kirin.

Li gorî zanyariyan balafirên şer yên Tirkiyê herdu gundên Siyan û Ergirnê yên li devera Çiyayê Garê bombebaran kirine, lê derbarê ziyanên canî û madî yên bombebaranê de agahiyên zelal nehatine.

Rêvebirê Nahiya Dînartê Şeba Berwarî daye xuyakirin ku îro saet derdora 13:00ê balafirên şer ên Tirkiyê sê caran gundê Siyanû Erginê yên li devera Çiyayê Garê bombebaran kirin.

Artêşa Tirkiyê di navbera 10-14ê Sibatê de operasyoneke mezin li ser bingehên PKKê yên Çiyayê Garê pêk anîbû û di wê operasyonê de 13 dîlên di destê PKKê de jî hatibûn kuştin ku herdu alî bi kuştina wan dîlan hevdu tawanbar dikin.