Wezaretîya Pawitişî ya Amerîka (Pentagon) aşkere kerd ke, teyarayanê înan Sûriye de dayê milîsanê Îranî ro.

Wezaretîya Pawitişî ya Amerîka bi beyanatêk aşkere kerd ke, bi fermanê Serekê Amerîka Joe Bidenî, artêşa înan Sûrîye de daya mîlîsanê Îranî ro.

Gorê beyanatê Pentagonî ke bi namê John Kirbeyî ame dayene, Hizbulla û grûba Seyid Şuhedaa ke girêdayîyê Îranî yê rê hewa ra pê teyarayan hêriş ameyo kerdene.

Gorê beyanatê Pentagonî, çend bargeh û nuqteyê eskerî yê mîlîsê Îranî bîyê hedefê teyarayanê şerî yê Amerîka.

Vajîyeno ke Amerîka semedê heyfgirewtişê hêrişê ke Hewlêr û Baxda de nuqteyanê Amerîka rê bîyê no operayon kerdo.