Bakurê Kurdistanî nê rojanê peyênan de hûmara kesê bi Korona kewenê zêde bena.

Sereka Odeya Doktoran a Amedî Elif Turan hesabê xo yê medyaya sosyale ser ra beyanat da û va; 6ê Tebaxe de hûmara xebatkarê sihetî ke bi Korona kewtbî 346 kes bî, mîyanê 2 hewteyanê peyênan de 130 xebatkarê bînî ê weşîye bi Korona kewtê û na hûmare bîya 476.

Gorê vatişê aye, Teknîsyenê Weşîya Derûdorî Cuma Kurt, Karmendê Teknîkî Murat Kaymak, Doktor Halil Yucel Kutun, Teknîkerê Dermanxaneyî Ridvan Dolan û Karmendê Werdxaneyî Abdulhaluk Gûndûz zîrîyê janê Korona ra merdê.

Gorê Wezaretîya Weşîye ya Tirkîya, heta nika Bakurê Kurdistanî û Tirkîya de 259 hezar 692 kesî bi vîrûsê Korona kewtê, înan ra 6 hezar û 139 kesî merdê, 237 hezar û 908 kesî baş bîyê.

La gorê Odeya Tabîban a Tirkîya û Bakurê Kurdistanî hûmara nêweş û merdeyan xeylî zêde ya la wezaretî eşkere nêkena.