Îro serê sibê li bazara Lengê ya Hewlêrê şewat derket û heya niha jî ew şewat nehatiye kontrolkirin û hewlên tîmên agirkujiyê yên ji bo kontrolkirina şewatê berdewam in.

 

Hate ragihandin ku heya niha jî sedemê derketina wê şewatê diyar nîne û ew şewat li dikanên cilûberg û kelûpelên plastîkî derketiye û ev yek vemirandina agir zehmet dike.

 

Li gorî zanyariyan, heya niha ti ziyanekî canî çênebûye, lê agir bi gelek dukanan ketiye ku piraniya wan dukanên cilûbergan in.

 

Şewatê bazara Lenge ya Hewlêrê heta niha nehatiye kontrolkirin û Rêvebirê Berevaniya Şaristanî ya Hewlêrê jî dibêje, ji ber ku piraniya bazarê şewitiye û bane dikanan herifîne, tîmên agirkujiyê nikarin derbasî nav bazarê bibin û êgir vemirînin.